Ritmia Gemeente is ’n geloofsfamilie waar ons saam leer om liggaam, siel en verstand in ritme met God te leef – eerlik, eenvoudig en prakties in die alledaagse. Ons is ’n plek waar jy welkom is, waar jy kan behoort, en waar jy van die eerste dag af deel voel.
ONS STORIE
Ritmia Gemeente is in 2014 gestig. Ons het oorspronklik bekendgestaan as Wesrand Lewenssentrum, waar het God ons identiteit nuut gevorm. Vandag dra ons die naam Ritmia Gemeente, ’n naam wat vasvang waarna ons streef: om saam in God se ritme te leef as mense wat Hom liefhet en mekaar dien.
WAT BETEKEN “RITMIA”?
[𝘳𝘪𝘵-𝘮𝘦𝘦-a𝘩] (𝘯.) “Ritmia” beskryf ’n natuurlike welstand wanneer gees, siel en liggaam in harmonie is. Vir ons beteken dit om God lief te hê met hart, siel, krag en verstand, en om ons naaste soos onsself lief te hê. Hierdie ritme vorm hoe ons dink, leef, werk, aanbid en saam‑wees.
VISIE
Om ’n kerk te wees waar almal welkom is, en waar ons met God se waarheid ontmoet word, sodat ons in totaliteit kan groei in ons verhouding met Hom en Jesus se lewensritmes kan uitleef.
MISSIE
Ons leef God se hartklop prakties uit: ons is lief vir Hom met hart, siel, krag en verstand en vir mense soos onsself. Dit beteken eerlike groei, doelgerigte liefde, en ’n lewensritme wat Jesus in die middel hou.
WAT JY OP ‘N SONDAG KAN VERWAG
– Warm verwelkoming en ’n rustige, moderne atmosfeer. – Aanbidding wat op Jesus fokus. – Eenvoudige, Bybelgetroue lering wat jou help om geloof prakties te leef. – Programme vir kinders en tieners (ouderdomsgerig). – Gemeenskap: koffie, gesels en ’n plek om te behoort.
