Ons by GLOW se hart is om kinders net weer kinders te laat wees en elkeen opgewonde te maak oor hulle verhouding met Jesus en om Hom te leer ken! Hetsy dit nou deur musiek, speel of ‘n aktiwiteit is!

By GLOW glo ons dat die Bybel nooit vervelig moet wees nie, dus word die verhale op kreatiewe maniere aangebied met behulp van verskeie hulpbronne. Die musiek mag maar bietjie hard wees, gebeure is spontaan en die energieke vrywilligers maak dat almal weet, hier is ‘n span wat omgee! Elkeen is vir ons belangrik! Van die kleinste kindjie tot die grootste vrywilliger! Hier by GLOW leer ons saam en ontdek waarhede in die Bybel op ‘n praktiese manier en met hope pret!

GLOW, waar Bybel, pret en musiek jou familie word!

Sondagoggende | 09:15

OOR JUANÉ

Ek is gebore en grootgemaak in die Leaveld, maar ek het eintlik “groot geword” toe ek ‘n student op die PUK was en die eerste keer self moes inkopies doen en iemand moes vra om vir my te wys hoe werk ‘n wasmasjien. Ek het my verloofde, Cameron Allen, ook op die Puk ontmoet en ons haak die 5de Desember die knoop deur. Jy sal my meeste van die tyd met ‘n boek of ‘n verfkwas in die hand kry en ek put graag inspirasie uit God, die oorspronklike Kunstenaar, se skepping.

Romeine 12 dien as my riglyne vir die lewe en dit maak my hart ongelooflik bly wanneer ek mense van God se liefde en genade kan leer. Ek hoop om elke kind wat by GLOW se deur instap aan te moeding om ‘n lewenslange pad met God te stap en Sy goedheid met ander mense te deel.

 

 

 

 

 

 

 

 

X